प. पू. सद्गुरू ! गुरुदेव माउलींच्या कृपाछत्राखाली सन १९९५ साली गुरुकुलाची मुहूर्तमेढ रोवली गेली. आधुनिक शिक्षणाला अध्यात्माची जोड देऊन एक सुसंस्कारित पिढी घडविण्याचे कार्य गुरुकुलामध्ये सुरु आहे. बघता बघता छोट्या रोपाचे रुपांतर आज एका विशाल वटवृक्षामध्ये झाले. या वटवृक्षाच्या छत्रछायेमध्ये आजपर्यंत अनेक पक्षी येऊन विसावले व येथूनच जीवनासाठीची संजीवनी घेऊन मार्गस्त झाले. गुरुदेवांच्या कृपाछत्रेखाली व व्यवस्थापन मंडळाच्या मार्गदर्शनाखाली गुरुकुल यशस्वीपणे गरुडझेप घेत आहे. ६४ विद्यार्थ्यासह सुरु झालेले हे माध्यमिक गुरुकुल आज २३०० विद्यार्थापर्यंत पोहचले आहे. आज सर्व ठिकाणी मराठी माध्यमासाठी विद्यार्थी संख्या टिकविणे अवघड होत असताना आपला विद्यार्थी आलेख मात्र वाढतो आहे. आम्ही जरी मराठी माध्यमाचे गुरुकुल चालवत असलो तरी केवळ शिकण्याचे माध्याम वगळता इतर सर्व गोष्टी ह्या इंग्रजी मध्यम किवा सी.बी.एस.ई. च्या धर्तीवर आहे. सर्व प्रकारच्या गुणवत्ता व सुविधा या साठी आमची स्पर्धा हि मराठी माध्यमाच्या शाळेबरोबर नसून ती इंग्रजी माध्यम व सी.बी.एस.ई. च्या शाळेबरोबरच आहे. मराठी व सेमी इंग्रजीज माध्य्माची अद्यावत सर्व ध्य्माची अद्यावत सर्व सोयीनी परिपूर्ण व गुणवत्तेमध्ये अव्वल स्थान राखणारे गुरुकुल निर्माण करून मराठी व सेमी इंग्रजी मध्यमाच्या विध्यार्थानाही सर्व संधी निर्माण करून देणे हे गुरुकुलाचे महत्वाचे उद्दिष्ट आहे. आज आम्ही कला, क्रीडा, संगीत नृत्य, अभिनय स्पर्धा परीक्षा, शिष्यवृत्ती परीक्षा, सर्व परिक्षा या सर्व क्षेत्रात जिल्ह्यामध्ये अग्रणी आहोत याचा सार्थ अभिमान वाटतो. प्राथमिक व माध्यमिक शिक्षण हे मातृभाषेतूनच झाले पाहिजे तरच पुढील उच्च शिक्षणामध्ये व जीवनामध्येही मुले यशस्वी होतात हे अनेक शिक्षणतज्ञ व मानसशास्त्राज्ञांचे मत आहे व त्याचा अनुभव आम्हाला सातत्याने येतो. आज मराठी व सेमी इंग्रजी माध्यामामध्ये शिकलेले आमचे विध्यार्थी अनेक क्षेत्रामध्ये यशशिखरे सर करत आहेत. या वाटचालीमध्ये आम्हाला पालकांचे अत्यंत मोलाचे सहकार्य लाभते आहे. त्या शिवाय असे चौफेर यश मिळवणे अशक्य आहे. आधुनिक शिक्षणाबरोबरच प्रत्येकाला आपल्यामध्ये असलेल्या आत्म्स्वरुपाची ओळख होने म्हणजेच खरे शिक्षण आहे. सर्व देवाचा देव म्हणजे आत्मा हा प्रत्येकाच्या हृदयात स्थिर असतो व तो ध्यानाने प्राप्त होतो. गुरुकुलातील विध्यार्थ्यांच्या सर्वांगीण प्रगतीसाठी आम्ही कटिबद्ध आहोत. आपणांस ग्वाही देऊ इच्छीतो की, आपल्या पाल्यास गुरुकुलामध्ये शिकविण्याचा आपण घेतलेला निर्णय हा नक्कीच योग्य आहे व त्याचे दूरगामी फायदे आपणांस निश्चीत प्राप्त होतील.